ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

លោក ហ៊ុន ម៉ានី៖ មន្ត្រីបក្សប្រជាជនតែងមានវត្តមាននៅជួយប្រជាជនជានិច្ច

  • ចុះផ្សាយថ្ងៃទី១៩ ខែកុម្ភៈ ឆ្នាំ២០២២ ម៉ោង ១៩:៣៧ នាទី ដោយ Hun Sirivadh
  • 2208
  Aa |   aA

ភ្នំពេញ៖ សមាជិកសភាវ័យក្មេង និងជាប្រធានសហភាពសហព័ន្ធយុវជនកម្ពុជាលោក ហ៊ុន ម៉ានី បានសំដែងនូវការកោតសរសើរ និងថ្លែងអំណរគុណដល់មន្តី្ររាជការ ក្រុមការងារមូលដ្ឋាន ក្នុងការគ្រប់គ្រង និងសម្របសម្រួលកម្មករដែលវិលត្រឡប់មកពីប្រទេសជិតខាង។ លោកថាសកម្មភាពនៃការលះបង់របស់មន្ត្រីរាជការដែលជាសមាជិកបក្សប្រជាជនទាំងអស់ពិតជាហត់នឿយណាស់ ម្យ៉ាងត្រូវប្រឈមមុខជាមួយហានិភ័យនានាផង ម្យ៉ាងត្រូវប្រឈមជាមួយបញ្ហានានាជាច្រើនផ្សេងៗទៀតដែលជួបប្រទះផង ទាំងបញ្ហាផ្ទាល់ខ្លួន និងទំនួលខុសត្រូវដទៃទៀត។

លោក ហ៊ុន ម៉ានី បានសរសេរលើហ្វេសបុកផេកលោកនារសៀលថ្ងៃទី១៩ ខែកុម្ភៈនេះថា៖ «គ្រប់ពេលដែលមានការលំបាក ឬពេលមានវិបត្តិ មន្ត្រីនៃគណបក្សប្រជាជនកម្ពុជា តែងតែមានវត្តមាននៅជាមួយប្រជាជនកម្ពុជាជានិច្ច។ ការណ៍នេះបានធ្វើឲ្យគណបក្សប្រជាជនកម្ពុជានៅតែជាជម្រើសតែមួយគត់ សម្រាប់ប្រជាជនកម្ពុជា ព្រោះគណបក្សប្រជាជនមានប្រភពពីប្រជាជន ជារបស់ប្រជាជន និងដើម្បីប្រជាជន»។

លោកបានលើកឡើងពីការប្រឈមនៃជំងឺកូវីដ-១៩ ថាការរីករាលដាលនៃជំងឺកូវីដ១៩ គឺជាវិញ្ញាសាថ្មីមួយ អាចថាជាការសាកល្បងសមត្ថភាពនៃការដឹកនាំក៏ថាបាន ដែលមិនមានប្រទេសណាធ្លាប់បានជួបប្រទះនោះទេ។ មិនថាប្រទេសជឿនលឿនយ៉ាងណាក៏ដោយ ក៏មិនប្រាកដថាអាចទប់ស្កាត់ការរីករាលដាលនៃជំងឺកូវីដ១៩ នេះបានល្អប្រសើរដែរ។

ដោយឡែកកម្ពុជាដែលជាប្រទេសតូច តែមានបេះដូងធំទូលាយ សម្រេចបានជោគជ័យ ឈ្នះលើវិញ្ញាសាមួយនេះគួរជាទីមោទនៈ ស្របពេលដែលប្រទេសជាច្រើនលើពិភពលោក នៅតែបន្តជួបប្រទះការលំបាកនៅឡើយ ព្រមទាំងបន្ថែមការការពារសុខុមាលភាពជូនប្រជាពលរដ្ឋតាមរយៈការចាក់វ៉ាក់សាំងយ៉ាងជោគជាំទូទាំងប្រទេស។

ទាំងនេះមិនត្រឹមតែចេញមកពីការដឹកនាំឈ្លាសវៃ ម៉ឹងម៉ាត់ ហ្មត់ចត់ បត់បែន និងការចូលរួមសហការរបស់ប្រជាពលរដ្ឋតែប៉ុណ្ណោះទេ តែយើងក៏មិនអាចព្រងើយកន្តើយបាននូវការអនុវត្តការងារយ៉ាងមានប្រសិទ្ធភាពរបស់មន្ត្រីមូលដ្ឋាននោះឡើយ៕



ព័ត៌មានជាច្រើនទៀតសម្រាប់អ្នក